KASO SANG COVID-19 SA WESTERN VISAYAS, NAGSAKA NA SA 16

Nagsaka na sa 16 ang kumpirmado nga kaso sang coronavirus disease ukon covid-19 sa bug-os nga Western Visayas.
Ini matapos nadugangan pa sang tatlo ka kaso ang nagpositibo sa covid-19 kahapon nga ginalakipan sang isa ka 28-anyos nga lalaki gikan sa Bacolod City nga may travel history sa Estados Unidos; isa ka 41-anyos nga babaye sa Negros Occidental nga may travel history sa Manila kag Davao city kag isa ka 70 anyos nga lalaki gikan sa probinsya sang Iloilo nga wala naman sang history of travel.
Sa kabug-usan nga 16 ka kaso sang covid-19 sa rehiyon 6, tatlo diri ang nagikan sa Aklan, isa sa Capiz, apat sa probinsya sang Iloilo, duha sa siyudad sang Iloilo, isa sa Negros Occidental kag lima sa Bacolod city.
Ginpahayag ni Dr. Jane Juanico, focal person on covid-19 sang DOH-6 nga
Ginalauman nga magataas pa ang nasambit nga numero bangud mangin adlaw-adlaw na ang pagpaguwa nila sang resulta sang covid-test sang mga persons under investigation karon nga sige-sige na ang testing center sa Western Visayas Medical Center sa pag-examine sa mga swab samples sang mga covid patients.

Facebook Comments