Indi madula ang dengue cases bisan pa panahon sang tig-ilinit.
Ini ang ginpaandam sang Department of Health-Center for Health Development 6 samtang nagapasulod na ang summer season.
Suno kay Dr. Jessie Glen Alonsabe, Medical Specialist III sang DOH 6, kinaandan na sang mga pumuluyo nga magtipon sang tubig kun summer nga possible mangin breeding grounds sang dengue.
Pahayag ni Alonsabe ang mga containers nga puno sang tubig nga masami ginatago sa sulod sang balay amo ang natumod nga ginamuaran sang lamok kun summer suno sa DOH.
Base sa data sang DOH may 2,762 na ka dengue cases kag may tatlo nga napatay halin Enero.
Mas mataas ini sang 118% sa record sa amo man nga period sang nagligad nga tuig nga 1,269 ka kaso apang may 13 naman ka nagkalamatay.
May 121 na ka barangay nga may clustering of cases.
Ginsiling sang DOH nga ang 2019 amo ang ika-3rd year sang 3-year cycle nga amo ang ti-on kun san-o nagataas ang numero sang dengue sa sini nga interval.
Sa pihak sini nagalaum si Alonsabe nga makabulig ang publiko sa pagpanubo sang dengue cases sa rehiyon.// via Joel Franco reports
Photo from web
