Kaso sang dengue sa region 12 naglab-ot na sa 3,508 kag 22 patay.

22

Manubo sang 81 porsyento kumparar sang nagligad nga tuig sa kapareho nga period ang kaso sang balatian nga dengue sa rehiyon dose, suno kay Arjohn Gangoso Health Education and Promotion Officer sang Department of Health 12.
Ini matapos nga base sa datos sang ahensya halin Enero tubtob Setyembre 26 subong nga tuig nagalab-ot sa 3,508 ang kaso nga ang madamo ang halin sa probinsya sang North Cotabato nga may 26% , South Cotabato -23% kag Saranggani- 22%
Naglab-ot naman sa 22 ang patay subong nga tuig kumparar sang nagligad nga tuig nga may 77 sa kapareho nga period.
May-angot sini, suno kay Gangoso padayon ang ila nga kampanya sa pagpatuman sang katawhan sang 4s kapareho sang search and destroy sa ginaistaran sang lamok agud malikawan ang balatian nga dengue.
Padayon man suno pa ang ila nga adbokasiya sa paglikaw sa balatian subong nga panahon sang tig-ululan kasubong sang leptospirosis kag seasonal flu.

Facebook Comments