Kaso sang dengue sa Roxas City, nagnubo sa nakaligad nga duha ka semana!

24

Roxas City, Capiz – Ginkumpirmar ni City Health Officer Dra. Lorie Cahilog nga nagnubo na ang kaso sang dengue sa bilog nga syudad sang Roxas.
Base sa pinakaulihi nga record sang CHO, halin Enero 1 tubtob Setyembre 27, 2019 naglab-ot sa 1, 283 ka kaso ang narekord sang nasambitan nga talatapan.
Talalupangdon suno sa iya nga halin sa mataas nga numero sang naliligad nga mga senimana, naga-average sa 20 na gid lamang ang na-admit nga dengue patients halin sa Setyember 20 tubtob 27 nga period.
Nagalaum si Cahilog nga sa masunod nga senimana mag-negatibo sa rekord ang Roxas City.
Samtang dako ang nangin kontribusyon sang publiko sa pagnubo sang numero sang dengue cases.
Ginsiling ni City Health Officer Dra. Lorie Cahilog, ini matapos man ang tuman ka aktibo nga kampanya sang CHO kag lokal nga pangulohan sang syudad sang Roxas nga magpanglimpyo sa palibot ang tanan.
Nangin epektibo man suno sa iya ang ginpatigayon nga general cleaning sang tagsa ka mga kabarangayan tagsa ka adlaw sang Sabado sa sulod sang walo ka semana.
Gin-enganyo man sini ang tanan nga himuon na nga nakaandan ang pagpanglimpyo sang palibot.

Facebook Comments