ILOILO City – Nagpanawagan ang city health office sa mga residente sang syudad nga padayunon ang clean-up drive sa ila mga nasakupan sa diin man nga bahin sang syudad sang Iloilo.
Suno kay City Health Officer Dr. Bernard Caspe may 160 ka kaso sa una nga pito ka bulan sang tuig kun sa diin isa diri ang napatay.
24% ini nga mataas sa 124 ka kaso sang nagligad nga tuig sa amo man nga period nga may tatlo ka napatay.
Pasalig ni Caspe indi pa alarming ang sitwasyon bangud wala sang clustering of cases sa syudad.
Liwat naman nga ginpanawagan ni Caspe sa mga barangay officials nga magpadayun sa ila clean up drive sa ila nasakupan kag i-practice gid ang 4’oclock habit.
Paathag ni Caspe indi lang sa ti-on sang tig-ulolan may kaso sang dengue kundi bisan sa tion na sang summer.
Photo from web
