Nadugangan pa ang numero sang dengue cases sa Western Visayas suno sa Department of Health ukon DOH.
Sa press conference nga ginhiwat sang DOH sang Lunes, Agosto 5, ginkumpirmar saag ahensya nga nadugangan sang malapit apat ka libo ang dengue cases sa rehiyon.
Sa datus sang ahensya, masobra 450 ka tao ang nadiagnose nga may dengue sa isa ka adlaw.
Sa record sang DOH halin Enero 1 tubtob agosto 5, 2019, naglab-ot na sa 27, 630 ang narecord nga dengue cases sa rehiyon 6.
Sa probinsya sang iloilo naman, nakit-an nga naga-amat-amat na nubo ang numero sang mga ginapangdala nga dengue patients sa mga district hospitals sa probinsya sang Iloilo.
Panugyan sang DOH, padayunon ang 4S kag ipabilin nga matinlo ang palibot agud malikawan ang dengue.
