Roxas City, Capiz – Ginkumpirmar ni City Councilor Dr. Cesar Yap, Chairman sang Committee on Health sa sangguniang panlungsod nga nagdoble ang gintaas sang HIV cases sa probinsya sang Capiz. Suno kay Yap, nalista sang Provincial Health Office ang 116 ka kaso sang HIV sa Capiz subong nga tuig kun ikumparar sa 63 lamang sang nagligad nga tuig 2016. Naglab-ot naman sa 46 ang kaso nagikan sa Roxas City kag ang 70 naman ang yara sa mga kabanwahanan. Nahibaluan nga 89 porsyento sang mga apektado sang *human immunodeficiency virus* ang lunsay kalalakinhan kun sa diin pagpakig-hilawas sa kaangay man nga lalaki ang nangin kabangdanan.
Facebook Comments
