Kaso sang teenage pregrancy, ginkaalarma sang provincial population office South Cotabato.

Naglab-ot sa 5,197 ka mga lapsag ang ginbun-ag sa South Cotabato sang 2020 base sa datos nga ila nakuha sa local civil registrar, suno kay Provincial Population Officer Zenaida Duron.
Apang ang nakaalarma dire suno kay Duron tungod sa nasambit nga numero 997 ukon 9.3 percent ang ginbun-ag sang mga kabataan nga yara sa edad nga 19 –anyos panubo sang nagligad nga tuig.
Base sa datos, ang pinakabata nga nagbun-ag sang nagligad nga tuig ang 12-anyos nga taga- banwa sang Surallah.
Wala naman nalakip sa ila nga datos ang syudad sang Koronadal.
Ginhatagan punto ni Duron nga ang timprano nga pagbuntis ang delikado sa mga menor de edad tungod indi pa kaya sang ila nga lawas.
May-angot sini, ginpabakod sang provincial population office ang ila information campaign ilabi na sa mga malayo nga lugar sa South Cotabato, agud maresolber ang problema sa teenage pregnancy.
Sa subong ginapatuman man sang provincial population office ang usapang, buntis, batang ina at batang ama information program nga may katuyuan nga maisplikar ang paglikaw sa teenage pregnancy kag pagplano sang pamilya para naman sa may-yara na sang mga kabataan.
Nagaupod man suno kay Maam Duron sa outreach program ang ila nga team sa Adolescent Program, Responsible Parenthood kag Gender and Development Program.
Ginatutukan man nila suno pa ang Indigenous Peoples ukon IP Communties nga may mataas nga kaso sang teenage pregnancy.

Facebook Comments