KASO SANG TIPDAS SA WESTERN VISAYAS, NAGLAB-OT SA 211 SANG 2018

i Balita February 03, 2019 (Photo From Web. No Copyright Infringement Intended)
Nagdamo ang kaso sang tipdas sa Western Visayas nga naglab-ot sa 211 sang nakaligad nga tuig 2018. Sa record sang DOH 6, yara sa 67% ang wala mabakunahan sa 211 ka kaso sang may tipdas.
Nagakahulugan nga manubo ang numero sang nabakunahan bangud madamo nga mga kabataan ang na-impeksyon sang tipdas.
Ginpaathag ni Dr. Renelyn Reyes, family health ang nutrition cluster head sang DOH 6 bangud sa manubo nga “immunization coverage” nagpatuman sila sang nagkalain-lain nga diskarte agud mapalab-ot ang serbisyo sa mga health center, eskuwelahan, house to house nga pagpangbakuna sang “anti-measles” vaccine.