Sa pakighinabi sa DXDC RMN Davao kang Police Lieutenant Joe Marlon Cabe, Deputy Chief of Police sa Asuncion Municipal Police Station (MPS), iyang gisulti nga “restricted” karon ang nalambigit nga pulis nga si Police Corporal Marjun Pantonial, Intel Operative nga nadestino sa Asuncion MPS.
“Restricted sya karon. Diri ra sya (sa police station). Bawal sa sya mag-gawas-gawas unless kung mananghid sya. Tugtan (lang) kung importante ang lakaw, pero kung (dili), diri ra gyud na sya,” sulti ni Cabe.
Matud sa police official nga ilaha nalang usab nga ginapaabot nga muduol ang pamilya sa biktima ug kung sila muduso ba og kaso, diin ang pulis posible usab nga mag-atubang og kasong physical injuries.
Una nang nahinabi sa DXDC RMN Davao ang biktima diin sumala niya, niadto siya sa peryahan, kauban ang iyang ig-agaw sa dihang gitawag siya sa maong pulis ug gidala sa likod sa Asuncion Gym gitutukan kini og armas, gipahapa ug gibunal-bunalan og maayo.
Sa pagkakaron, wala pay pamahayag nga gipagawas ang gi-akusahang isip tubag sa maong reklamo.
RadyoMaN Kirby Manzon
