Davao City- Nilugnot inay mutahan sa iyahang kaugalingon sa mga awtoridad ang suspek nga nadakpan atol sa OPLAN S.N.I.P.E.R (Sasa Night Patroller, Enforcer, and Responder) nga adunay marijuana.
Sa interbyu sa DXDC kang Police Major Jake Goles, Sasa Police Station Commander, naaktuhang nanigarilyo ang suspek nga si GERALD ANGLES AGAG, 31 anyos sa Km. 9 Old Airport Road Sasa, Corner Doña Paz, Sasa, Davao City sa mga kapulisan.
Dihang isyuhan na og citation ticket ang suspek sa paglapas sa City Ordinance No. 0367-12 series of 2012, giitsa niini og kalit sa yuta ang gihawirang cellophane.
Gipapunit kini sa pulis ug nasayran nga marijuana ang iyahang gilabay.
Nisulay og ikyas ang suspek apan malampuson kining nasikop.
Gipaslak karon sa custodial facility ang dinakpan ug kasuhan sa paglapas sa Article 151 o Resistance or Disobedience to a Person in Authority ilawom RPC, violation sa R.A. 9165.
RadyoMaN Aimee Guinita
Facebook Comments
