Sa datos nga gipagula pinaagi kang DCPO Spokesperson Police Captain Hazel Tuazon, sukad Enero hangtod Setyembre ning kasamtangang tuig, 213 ka mga krimen ang natala sa dakbayan nga mas ubos sa natalang 370 sa susamang mga bulan niadtong 2022.
Base sa impormasyon, nagpabiling taas ang kaso sa pagpanglugos sa ihap nga 71 apan mas ubos kumpara sa 132 niaging tuig.
Gisundan kini sa pagpangawat nga anaa sa 43 ka kaso nga mas ubos gihapon kung itandi sa 103 sa 2022.
Apan, namatikdan nga ang kasong murder nisaka ngadto sa 42 gikan sa 37 sa nakalabay’ng tuig.
Sa kanunay, nagpahimangno ang DCPO nga mas pakusgan pa ang culture of security sa Davao nga kung aduna’y makitang kadudahang mga tawo o namatikdang mga krimen, gilayong i–report dayon sa otoridad alang sa kahapsay ug kalinaw sa dakbayan.
RadyoMaN Ivy Parido
