Sumala ni Major Mark Anthony Tito, 10th Infantry Division Philippine Army Spokesperson, daghang mga proyekto ug mga programa ilawom sa NTF-ELCAC ang nakatampo diha sa kalamboan sa katawhan ilabi na sa mga nanimuyo sa gitawag nga Geographically Isolated and Disadvantaged Areas (GIDA).
Natubag usab pinaagi niini ang mga isyu nga gina-exploit sa mga komunistang grupo ingon man naghatag og talagsaong kahigayunan sa panginabuhi sama sa pag establisar og farm-to- market roads ug uban pang engagement.
Gipaambit ni Tito nga tungod sa NTF-ELCAC ilawom sa 10th ID, na-dismantle ang 16 GFs, 4 SRCs, 9 NPA vertical units ingon man mga top rebel leaders nadakpan.
Alang kang Tito, gikinahanglan nga mapadayon kini aron ma sustenir ug ma mentenar ang kahusay ug kalinaw sa atong malagyong mga komunidad.
RadyoMaN Aimee Guinita
