Kasundaluhan ug kapulisan nagkahiusa alang sa pagsugpo sa mga NPA

57

Dipolog City-Ang kasundaluhan karon dinhi sa probinsya sa Zamboanga del norte padayon karon ang ilang pag monitor sa matag kalungsuran ug kabaranggayan kalabot sa lihok sa mga rebeldeng New People’s Army (NPA).

Kung kahibaloan dili palang dugay adunay gi lusad nga programang RCSP dinhi sa probinsya alang sa pag deploy ug mga sakop sa PNP ug kasundaluhan aron maoy mo tabang pag monitor sa mga livelihood program nga ipang hatag sa nagkdaiyang government agency.


Lima ka lungsod ang gitagaan ug unang pagtagad nga kung diin mga NPA infested kini, gilangkuban kini sa S. Osmeña, L. B. Postigo, Godod, Siayan, ug Sindangan.

Butyag pa ni 97th IB Commander LTC. John Andrada nga dili lang mga sundalo karon ang mo lihok kun dili apil na ang kapulisan ug taga DSWD.

Gi dugang pa ni LTC. Andrada nga aduna mga tulunghaan diri sa Dipolog ug Dapitan City nga nasudlan na sa mga rebeldeng NPA ug kini karon ang ilang hugot nga pagmonitor sa mga tulunghaan.

Si Brigade Commander sa102nd Brigade Col. Leonel Nicolas, nag awhag usab sa mga rebeldeng NPA nga mokanaog na sa bukid ug pahimuslan ang mga programa sa gobyerno nga itanyag kanila.

Facebook Comments

From Advertisers