Davao City – Nagpatabang sa Talomo PNP ang usa ka 19 anyos nga si alyas Lyn-Lyn, usa ka katabang, tungod kay gibaklad sa iyang amo nga lalaki samtang nag-ilis sulod sa kwarto alas 9:30 ang takna sa kagabhion.
Sa blotter sa Women and Children Protection Desk, nasakpan sa katabang ang iyang amo sa akto nga si alyas Sam, 49 anyos, nga nanglili pinaagi sa pagwahing sa toalya nga gihimong tabon sa dalaga samtang nag-ilis sa iyang sinina pangkatulog.
Sa dihang gisita sa biktima ang iyang amo nganong namaklad, mao pa hinuon ang nasuko ug nangulata rason sa paghubag sa tuong mata sa katabang.
Daling midagan pagawas sa balay sa iyang amo ang biktima nga nahimutang sa St. Michael Village Barangay Ma-a, Davao City, ug mideretso sa Talomo Police Station.
RadyoMaN Erin Lumosbog
