Davao City- Mireklamo ang usa ka lalaki human gikawat sa iyang katabang ang dugay na niyang gitigoman nga kwarta.
Ang biktima giila nga mao si mi Billy James Ang Locsin, 32 anyos, nga taga-Doña Vicenta Barangay 19-B ning syudad samtang ang katabang niini giila nga mao si Dailyn Elid Tiglawan, 18 anyos nga taga Manubisa Magpet Kidapawan City.
Base sa report, bandang alas siete miaging gabii sa dihang pauli na si Locsin sa ilang panimalay wala na niya maabtan si Tiglawan ug sa iyang pagsuta iyang nasayran nga nawala na ang alkansya sa iyang magulang nga adunay sulod nga kwarta nga mokabat sa dul-an 10,000 pesos.
Gituohan sa complainant nga gikuha kini sa suspek.
Nagbilin og hulagway kun picture ang tag iya sa balay sa ilang mga katabang ngadto sa police station aron nga dali sab kini mailhan kun makita kini sa mga kapolisan.
Gipasa na sa theft and robbery section ang maong insidente aron sa mga moabot pa nga dugang inpormasyon.
RadyoMaN Paul Canono
