Katapo sang Philippine Army, ginbakbakan gamit ang sumpak

156

Roxas City, Capiz- Isa ka miyembro sang Philippine Army ang ginbakbakan sa tangkugo sang isa ka persona gamit ang “sumpak” samtang ini ang nagapungko malapit sa isa ka sari-sari store sa Brgy. 10, Roxas City.
Ginkilala ang biktima kay Steel John Nepomuceno y Dividina, 27-anyos sang Brgy. Milibili, gina-alegar nga katapo sang 302nd Infantry Battalion kag assigned sa Brgy. Rizal, Tanjay, Negros Oriental.
Suno sa panaysayon sang amo nga biktima, alas 9:30 sang nagligad nga gab-i samtang ini ang yara sa nasambit nga lugar, ginpalapitan ini sang suspek nga ginkilala gid lamang kay alyas “Bernard” kag hinali nga inbakbakan sang sumpak.
Nag-angkon sang pagpanalakit sa tangkugo ang amo nga biktima samtang madasig man nga nagpalagyo ang suspek nga residente man sang Brgy. Milibili, Roxas City. Samtang nagapadayon naman ang imbestigasyon sang Roxas City PNP angut sa nasambit nga insidente.

Facebook Comments

From Advertisers