Gibutyag ni Captain Mark Anthony Tito, 10th Infantry Division spokesperson, nitahan sa iyahang kaugalingon si Ka Delmar ngadto kang Lt. Col. Michael Aquino, Commanding Officer sa 25th Infantry “FIREBALL” Battalion (25IB) sa Battalion Headquarters, Camp Kalaw, Poblacion, Monkayo, Davao de Oro niadtong Agosto 16, 2022.
Ang surrenderee nga bomb expert maoy responsable sa paghimo’g mga Improvised Explosive Devices (IED) para sa bombing ug landmine operations sa CPP-NPA sa Davao Region nga mga niangol ug nikutlo sa mga kinabuhi sa mga sibilyan, sundalong ug mga tropa sa gobyerno.
“Ten years siya sa sulod, usa siya sa mga gitudluan nga maghimo’g bomba diria sa Davao Region,” matud ni Tito.
Si Delmar nahimong labaw sa Ordnance sa SMRC hulip kang Rico Rollon nga nadakpan sa mga awtoridad niadtong Marso 9, 2022.
Nipailawom karon si Ka delmar og deradicalization program ug giproseso ang iyahang madawat nga mga assistance ilawom sa Enhanced Comprehensive Local Integration Program (ECLIP).
RadyoMaN Aimee Guinita
