Nagdaug bilang first runner-up ang pambato sang Pilipinas nga si Katarina Rodriguez sa ika-48 nga edisyon sang Miss Intercontinental beauty pageant nga ginpatigayon sini nga Huwebes (Manila Time) sa Sunrise Garden Reon sa Hurghada, Egypt.
Pila ka oras antis ang coronation night, nagpanguna ang 24-anyos nga model kag MTV VJ sa Final Hot Picks sang pageant analysis site nga Missosology.
Apisar sini, nagdaug bilang Miss Intercontinental sa sini nga tuig si Miss Mexico Veronica Salas.
Second runner-up naman si Miss Netherlands Catheljine Heppenhus, samtang nadala naman sa Top 6 finalists sanday Miss Brazil Amanda Cardoso, Miss Colombia Lizeth Villanueva kag Miss South Korea Lee Su.
Yari ang nangin sabat ni Katarina sa pamangkot sa question and answer portion kun ano ang pinaka-importante nga butang nga iya natun-an sa pag-intra sa nasambit nga pageant.
“The most important thing that I have learned in joining Miss Intercontinental is an Arabic word named after one of the Sunrise Resorts and that is Meraki. It means to do all things with passion, soul, and creativity. When I heard this word and its definition, it resonated with me [un]til now and I think it will for the rest of my life. Therefore, that is the most important thing I learned while participating at Miss Intercontinental—to do all things with soul, passion, and creativity.”
Matandaan nga nangin-second runner up si Katarina sa Asia’s Next Top Model sadtong 2014. *rcsg*
——————
Like our official Facebook page: www.facebook.com/ifmbacolod943
