CAUAYAN CITY – Naaagnas na at wala ng buhay nang matagpuan ang katawan ng isang batang babae sa ilog ng Baggao, Cagayan.
Ayon sa ulat ng Municipal Disaster Risk Reduction and Management Office (MDRRMO) ng Baggao, araw ng Sabado nang huling makita ang biktima na naghuhugas sa bahagi ng river flood control at hinihinalang nadulas o nahulog ito sa naturang ilog.
Marunong umano lumangoy ang biktima batay sa pahayag ng magulang subalit dahil sa lakas ng agos ng tubig ay natangay ito at nalunod sanhi ng kanyang pagkamatay.
Nagsagawa naman kaagad ang MDRRMO-Baggao ng search and rescue operation ngunit dahil sa mataas na lebel ng tubig ay nahirapan umano silang mahanap ang biktima.
Ang biktima ay isang 13-anyos na babae at residente sa Zone 02 ng naturang barangay.
