CAUAYAN CITY – Palutang-lutang at naaagnas na nang matagpuan sa ilog ang katawan ng isang lalaki sa Bry. Nassiping, Gattaran, Cagayan.
Ayon sa kapulisan, ika-2 ng Nobyembre nang ipagbigay-alam sa kanilang himpilan ang nasabing bangkay kung kaya’t agad silang nagpadala ng personnel kasama ang Gattaran Rescue 721 upang magsagawa ng imbestigasyon.
Batay sa imbestigasyong isinagawa, nabatid na ang biktima ay 49-anyos, may asawa, at isang SLT collector.
Bukod dito, ilang araw na umanong nakababad ang katawan ng biktima at lunod ang sanhi ng pagkasawi nito.
Napag-alaman din na ang biktima ay naiulat na nawawala noong ika-30 ng Oktubre habang binabaybay nito ang ilog sa nabanggit na bayan habang kasagsagan ng Bagyong Leon.
Facebook Comments
