Davao City- Nagtoo si Disaster Risk Reduction Management (DRRM) Team Volunteer Prime Cruz nga daghan pa sa katawhan ang dili andam o kantigo kung unsay himoon sa higayong mahitabo ang kusog nga linog sama sa nahitabo sa Bohol ug Mexico karong panahona. Sumala ni Cruz, base sa iyang nasinatian sa gihimong mga training o seminars kabahin sa pagpangandam ug himoon sa higayong matigayon ang kalamidad sama sa linog, bagyo ug uban pa, gamay ra ang kantigo.
Samtang gipasabot usab ni Cruz nga sa pagkakaron wala pay human technology nga makatagna kung unsa ang gikusgon ug kanus-a mahitabo ang usa ka linog, apan dunay mga senyales, usa na niini ang pagpaningog sa mga kahayopan. Samtang sa tsunami, dunay matigayong senyales nga gitawag og natural tsunami warning sign, sama sa inig kahuman sa kusog nga linog, usa sa sinyales mao ang pag-atras o kalit nga pagtaas sa tubig sa dagat ug ikaduha dunay mga pagdahunog (tingog) timaan nga dunay matigayong tsunami.
Giklaro usab ni Cruz, importante nga dunay family evacuation plan ang matag pamilya aron ang tanang membro nakabalo kung unsay himoon sa higayong dunay linog nga matigayon.
RadyoMan Bernard Pantallon
