Giawhag karon sa Department of Health kon DOH region ten ang katawhan nga motabang aron masumpo ang sakit nga dengue.
Matud ni Doc. David Mendoza sa DOH region 10 nga kung sila lang ang molihok, dili sila magmalampuson.
Dugang pa ni Doc Mendoza, nga dako ang ilang pagpasalamat sa mga media, tungod sa dako niining pagpakabana ug paghatag og pakiglambigit aron matabangan ang ahensiya sa ilang adbokasiya.
Ang kinabuhi sa tawo dili matawag nga ‘’pangayawat’’ busa kinahanglan nga ang lamok ang mamatay ug dili ang tawo.
Samtang anaa karon sa code Blue alert ang sitwasyon sa sakit nga dengue ning rehiyon.
Buot ipasabot nga nakaandam ang mga personahe sa DOH region ten alang sa mga emerhensiya.
Alayun niini, giaghat karon sa ahensiya ang uban nga local nga pangagamhanan nga mobuhat usab sa pagpangandam aron nga matabangan ang adbokasiya batok dengue .
Kinahanglan usab nga makiglambigit ang katawhan ug magpakabana aron mapugngan ang sakit nga dengue.
