Davao City – Gi-imbitahan karon ang publiko nga musaksi sa mga aktibidad sa Davao Region Athletic Association (DAVRAA) Meet 2019 nga opisyal nang magsugod karong Dominggo, Enero 27, 2019.
Sa pakighinabi sa DXDC RMN Davao kang Jenielito “Dodong” Atillo DepEd XI Spokesperson, gidasig niini ang katawhan nga musaksi sa maong usa ka semana nga sporting event nga ipahigayon dinhi sa dakbayan sa Davao.
“Let us go out if you are free on those days, January 27 to February 2. Let us show our support sa mga atleta nato because this is one way really of boosting their morale.” sigun ni Atillo.
Dugang pa ni Atillo nga dakong tabang ang pagsuporta ngadto sa mga atleta labi na nga dinhi usab kuhaon ang mga partisipante nga iharong sa Palarong Pambansa karong tuiga nga dinhi usab ipahigayon sa syudad.
Una nang gisaysay sa DepEd spokesperson nga hinay-hinay nang mangabot ang mga atleta gikan sa nagkalain-laing probinsya karong Biyernes, pipila ka adlaw ayha opisyal nga magsugod ang aktibidad.
RadyoMaN Kirby Manzon
