Davao City – Ning nagkaanam ug kakulang ang supply sa bugas gikan sa National Food Authority (NFA) alang sa katawhan, kinahanglang magdaginot ug dili mag-usik-usik sa pagkaon tungod kay nagkataas ang presyo sa mga palaliton.
Sumala ni Barangay Sto. Niño Mintal Barangay Captain Carlos Del Rosario, wala tay mahimo kung ingon ana ang mahitabo nga magkulang na ang supply sa bugas gawas na lamang sa pagdaginot.
Giingon pa ni Kapitan Del Rosario, kining nagkagamay nga supply sa bugas sa NFA dunay epekto sa mga tawo apan dili pud magpasagad ang gobyerno mangita usab ug paagi aron masolusyon ang maong problema.
Gidugang pa ni Del Rosario sa hisgutanang padayon kitang mo-angkat ug bugas sa laing nasud mamahimo man apan dili sa tanang panahon. Samtang pabor si Kapitan Del Rosario nga pauswagon na lamang nato ang atong agrikultura inay ang pagpunay og angkat sa bugas sa laing kanasuran.
RadyoMaN Bernard Pantallon
