Davao City- Dili gilayong motoo kung dunay makitang balita sa social media karong panahona tungod sa fake news.
Sumala ni National Telecommunications Commission (NTC-XI) Director Nelson Cañete, lahi ang mga balita gikan sa tri-media sama sa radyo, tv ug newspaper kung itande sa social media, tungod kay walay responsible kay bisan kinsa lang ang mobutang ug walay kontrol ug ikaduha dili sila mga media.
Matud ni Cañete, dako kini nga problema karon tungod kay unregulated ang mga tawo nga mosulod ug mopost sa mga social media nga walay nagakontrol. Giingon pa sa direktor, lisud kontrolon tungod kay wala pagparehistro nga himoon.
Tungod niini nanawagan na lamang ang direktor sa NTC-XI nga mamahimo usab kitang responsible sa pagbutang o pagpost sa mga inpormasyon diha sa social media una nato ipagawas kung dili kita segurado. Dugang pa ni canete, kinsa kadtong nakabasa ug balita sa social media nga dili kita segurado kung mahimo dili na lang usa-nato i-share o i-like.
RadyoMan Bernard Pantallon
