Davao City – Kinahanglan adunay support program himoon ang kapolisan aron ang katawhan motabang sa kampanya kontra kriminalidad.
Sumala ni Task Force Davao Deputy Commander Col. Randolph Cabangbang, gawas sa mga presenteng programa, kinahanglang dunay mga suporta nga ipatuman sa komunidad.
Samtang giklaro usab ni Cabangbang, namatikdan ug nakita na usab sa katawhan ang ginahimo sa kapolisan ilabina sa kampanya batok krimen ilawom sa liderato ni PNP outgoing Director Gen. Ronald Bato Dela Rosa.
Dungang niini, nanawagan si Cabangbang nga kung mahimo dili na lang intrigahon ang ginahimo sa kapolisan ug kasundalohan sa ilang kampanya batok kriminalidad ug insurhensiya tungod ug alang sa kalinaw sa tanan.
Giklaro pa ni Cabangbang, dili malikayan nga masipyat ang militar ug police sa ilang operasyon apan angayang sabton tungod kay andam usab nilang dawaton ang mga pagpuna.
RadyoMaN Bernard Pantallon
