Davao City- Giangkon ni Barangay 19-B Disaster Risk Reduction Management Council Head Ben Viray nga 40-60% dili preparado ang ilang katawhan sa kalamidad sama sa linog.
Apan sigun ni Ben Viray, gipakusgan na kuno sa ilang disaster team ang pag-edukar sa ilang katawhan aron masayod sila sa angay nilang himoon ugali muigo ang kusog nga linog sama sa mitay-og sa Mexico.
Nasayod si Ben Viray nga lisod tagnaon kanus-a mahitabo ang “The Big One” kun 8.2 magnitude gikus-gon sa linog nga puwede mutay-og sa dakbayan.
Dakong tabang ang city disaster plan sa disaster orientation program sa barangay diin pipila sa gitudlo mao ang duck cover and hold nga gamit kaayo panahon sa linog.
Gumikan sa pag-usbong sa tag-as nga mga building magdala unya kini og delikado tungod puwede mata-bunan nga buhi ang mga tawo nga mataymingan sa paghugmak atol sa linog.
Dugang pa ni Ben Viray, ang lisod pa gyod daw kuno mao nga walay kaugalingon nga family evacuation plan ang matag pamilya alang sa temporaryo nga kapaadtoan.
Hinoon, gipasigarbo ni Ben Viray nga 60-70% preparado ang ilang barangay sa bisan unsa nga kalamidad kay hitsas na sila sa mga evacuation centers, gamit pang-responde ug suplay sa mga pagkaon alang sa mabiktima sa trahedya.
RadyoMan Joel Viray
