Davao City – Gipaigmat sa Montevista Municipal Police Station (MPS) ang katawhan sa Montevista, Davao de Oro gikan sa hulga sa bisan unsang krimen.
Sa pakighinabi sa DXDC RMN Davao kang Police Major Gerald Borja, Chief of Police sa Montevista MPS, iyang gibutyag nga gipanubayan na karon sa ilang buhatan ang giingong kidnapping sa ilang lugar.
Kini human sa post nga mikatag sa social media nga nag-ingong adunay mga tawong gikan sa Asuncion, Davao del Norte ang miabot sa Montevista nga magpakaaron ingnong mangayo og tabang apan diay mandagit ug bata dayong pamatyon.
Matud ni Borja nga sa ilang pagpanubay, walay insidente niini nga na-report sa ilang stasyon apan padayon nilang gipaigmat ang mga tawo.
“Ang mga community sa Montevista, maging alert lang. Kung naay mga kadudahan nga tawo, inform lang gyud deristo sa station,” segun ni Borja.
RadyoMaN Ivy Parido
Facebook Comments
