Itinuturing na biggest goal ng aktres na si Kathryn Bernardo ang makabalik sa pag-aaral.
Ibinahagi ito ng aktres kung saan kasama na ang kanyang planong kuhaning kurso sakaling ituloy niya ang kanyang pag-aaral sa kolehiyo.
Bagama’t umaarangkada ang kanyang karera bilang isang artista, inamin ni Kath na gusto niya pa ring makabalik sa pag-aaral.
Sa kanyang pinakabagong vlog kasama ang kapwa aktres na si Sofia Andres, ibinahagi ni Kath ang mga gustong gawin sa buhay sakaling hindi na siya mag-aartista.
Kasama rito ang pagiging makeup artist, pagtatrabaho sa likod ng camera at sakaling mabigyan ng pagkakataon na makapag-aral ng kolehiyo, kukuha rin siya ng Marketing o Communication Arts.
Hindi naman isinasarado ni Kath ang kanyang pintuan sa mga maaaring mangyari sa hinaharap.
Sa ngayon payo ni Kathryn sa kaniyang fans, hindi dapat mawalan ng pag-asa ang kahit na sino kahit ano pa man ang edad dahil darating ang panahon na maaabot natin ang ating pangarap.
