Katorse ka manok igtalari gikawat didto sa Sibutad

23

Katorse ka mga manok igtalari ang malampusong narecover sa mga ginsakpan sa Sibutad MPS human kini ang gitaho sa mga tag-iya nga gipangkawat sa nakalabay’ng adlaw.
Sila Carlito Paman, ug Roseller Dizon, parehong residente sa Brgy. Libay; Dioney Malig-on, residente sa Brgy. Poblacion; ug Raymond Ladion, residente sa Brgy. Calube sakop sa lungsod sa Sibutad sulod ning probinsya ang midangop sa kuerpo sa kapolisan sa Sibutad nga ang ilang mga manok ang gikawat sa wala mailhi nga mga tawo alas 11 ang takna sa gabie.
Minghimo gilayon sa pagpanginsusi ang mga otoridad sa pagpangulo ni PMSg Abdon Engcol, ug migula sa inisyal nga imbestigasyon nga ang wala mailhing mga tawo mikagiw palayo sa maong lungsod padulong sa dakbayan sa Dapitan nga nagtaral sa 24 ka mga manok igtalari.
Nakig-alayon ang kapolisan sa Sibutad sa Dapitan CPS lakip na ang mga tag-iya sa nasangpit nga mga manok diin malampuson nga nakuha mao ang 14 ka mga manok pangsabong nga adunay tagsatagsa nga pag-ila sa mga tag-iya base sa mga kolor.
Gi-aresto ang mga suspetsado nga sila Ricky Labisig, 19 anyos; Jolieboy Labisig, 20 anyos, ug usa ka menor de edad diin pulos molupyo sa Barangay Polo sakop sa syudad sa Dapitan.
Gibana-bana nga nagkantidad sa 140 mil pesos ang maong mga narekober nga mga manok pangsabong.
Sa kasamtangan anaa na karun ubos sa kustodiya ang duha ka mga suspetsado lakip na ang menor de edad sa kuerpo sa kapolisan sa Sibutad CPS.

Facebook Comments