Halos katunga sang mga Filipino nga ginsurvey sang Social Weather Station nagapati nga indi tanan nga ginpatawag sang Philippine National Police sa ti-on sang Oplan Tokhang mga drug users ukon pushers.
Ini ang resulta sang survey sang SWS sadtong Oktobre 23-27.
Sa 1,500 ka adults nga ginsurvey 49% sang mga ini nagapati nga wala ukon indi tanan nga ginpatawag sa Oplan Tokhang naulamid sa ilegal nga droga.
36% diri ang nagapati nga involved sa drugs ang ginpatawag sa Oplan Tokhang samtang 14 ang wala nakahibalo samtang 2% ang wala gid nagapati.
Ang Oplan Tokhang amo ang ginpatuman sang kapulisan agud mapasungka ang mga ginasuspetsahan nga may kahilabtanan sa ilegal nga droga.
(photo from web)
Facebook Comments
