Davao City – Nanglaum ang mga residente sa Barangay Lasang, Davao City nga sila magbaton og kaugalingong menteryo.
Sa interbyu sa DXDC RMN Davao kang Kapitan Allan Simo-ag sa Brgy. Lasang, gibutyag niini nga lisod alang sa mga residente nga walay kaugalingong lugar sa barangay asa mapahimutang ang mga mupanaw nila nga mahal sa kinabuhi.
Matud ni Simo-ag nga kinahanglan pa nila nga muadto sa Bunawan o sa syudad sa Panabo aron maplastar ang mitaliwan nga miyembro sa pamilya.
“Nagpabilin nga damgo sa among mga katawhan nga muabot ang panahon unya nga makakita ‘mi og luna nga pwede namo nga kapapahuwayan sa amoang mga kaigsoonan nga mitaliwan na sa laing kalibutan,” saysay ni Simo-ag.
Hinuon, gikanayon ni Simo-ag, napaabot na ang maong mulo sa City Planning and Development Office, diin nagpadayon pa karong challenge ang pag-identify sa lugar ug pagkumbinsi sa mga landowners alang sa area sa meteryo.
RadyoMaN Kirby Manzon
