Davao City – Mamahimong magbaton og regulasyon sa curfew ug liquor ban sa Davao City kung magpadayon ang pag-ubos sa kaso sa Coronavirus Disease 2019 (COVID-19) sa syudad.
Matud ni Davao City Mayor Sara Duterte-Carpio, bisan og gi-extend sa City Government of Davao og hangtud Marso 31, 2021 ang curfew ug liquor ban, posible gihapon kining ma-regulate depende sa assessment sa local health officials sa syudad.
“Gi-unhan ko nalang ‘to diretso og March 31, 2021 (ang curfew ug liquor ban extension) pero we can revise that anytime kung sa tan-aw sa atong public health experts that it is okay to relax some of our regulations,” matud sa Alkalde.
Gibutyag sa Mayor nga mi-ubos ang COVID-19 cases sa Davao diin anaa na lamang sa 1,300 active cases ang matala matag adlaw, mas ubos kung itandi sa 2,500 active cases matag adlaw niadtong anaa pa ilawom sa Modified General Community Quarantine (MGCQ) ang dakbayan.
RadyoMaN Kirby Manzon
