Davao City – Usa sa hinungdan kung nganong gibugaw sa inahan ang iyang anak sa mga langyaw pinaagi sa social media tungod sa kawad-on aron makakwarta.
Sumala ni Sarah Jean Escabarte, Talikala Incorporated Advocacy Officer, ang uban nga naghimo niini nakasinati na ug mga pagpangabuso hinungdang modangop na lang niini nga paagi.
Matud ni Escabarte, nahimong number one ang Pilipinas niadtong 2017 sa giingong On line Sexual Abuse and Exploitation nga kaniadto laing mga tawo ang responsible niini, apan karon sakop na mismo sa pamilya ang naghimo usa na niini ang inahan pinaagi sa ‘No Touch Principle’.
Gipasabot pa ni Escabarte, dako gyud kini ug epekto sa mga bata sa higayong mabiktima ilabina sa ilang pangisip kay ila kining madala hangtod sa pagdako kung dili makalingkawas.
Gitataw usab ni Escabarte base sa ilang gihimong pagsusi ang mga inahan nga naghimo niini duna puy kasinatian sa pagpangabuso.
Tungod niini aron malikay ang bata sa ingon niini nga binuang kinahanglang dunay himoong mga pag-edukar sa pamilya aron dili mabiktima.
RadyoMaN Bernard Pantallon
