Davao City – Patay ang usa ka tulisan human misukol sa kapolisan nahitabo alas-11:34 kagabie sa may Topaz St., Marfori 1, Barangay 9-A, siyudad sa Davao.
Base sa report gikan San Pedro PNP, naila ang suspect nga si Joel Porida Inrequiz alias ‘Barok’, hingkod ang edad, usa ka children in-conflict with the law (CICL) ug nagpuyo sa Lower Madapo, Brgy. 5-A, Bankerohan ning siyudad.
Sumala pa samtang nagpahigayon ang San Pedro PNP og monitoring kalabutan sa sunod-sunod nga pagpanulis ug pagpangawat sa El Rio, Bacaca ug Marfori Subdivision ning siyudad, nakit-an ang suspect didto sa nasampit nga lugar nga nagsakay og bisikleta.
Sa dihang giduol ug nagpaila na ang mga sakop sa kapulisan aron mutahan sa iyang kaugalingon, kalit niambak sa iyang gisakyan nga bisikleta dayon hulbot sa iyang .38 nga pusil gikan sa belt bag apan naunhan kini sa og pusil sa mga police igo sa dughan nga resulta sa hinanaling niining kamatayon.
Samtang ang SOCO naglusad og occular investigation diin narekober ang usa ka basiyo sa pistola, duha ka black belt bag nga dunay sulod nga upat ka sachet sa gituohang shabu nga mubalor sa P4,000, usa ka mountain bike nga gibana-banaang mukantikad sa P20,000, usa ka unit sa iPhone nga tag-P40,000 lakip ang mga alahas ug mga salapi.
Ang patay’ng lawas sa suspetasdo anaa gidala ug gihaya sa Angel Funeral Homes sa dalang F. Torres ning siyudad sa Davao samtang ang mga ebidensiya nga narekober gikustodiya sa Regional Crime Laboratory Office 11.
RadyoMaN Don Pulayao
