Kawatan nga Nagpagukod Sa Gwardya sa Convenience Store, Nakuhaan og shabu

45

GENERAL SANTOS CITY- Nakuhaan pa og iligal nga droga na shabu ang nadakpang kawatan nga nagpagukod pa sa mismong gwardya sa usa ka convenience store sa barangay Fatima ning siyudad niaging sayo sa buntag.

Giila sa Fatima Police Station ang suspek sa pangalang Jason Masayon, 21 anyos, ulitawo ug residente Purok 1, Ebañez, Lanton, Apopong ning siyudad.


Base sa imbestigasyon sa Fatima Police Station, alas-3 sayo sa buntag dihang gitayming sa suspek ang pagsulod sa 7-eleven dihang nag-inventory ang mga crew.

Usa ka gwardya nga si rasol guimalon ang nakamatikod og nakatutok sa linihokan sa suspek na may gikuha nga bote sa ilimnon dayon gibutang sa salog.

Dugang ni guimalon na mihimo og alibi ang suspek pinaagi sa pagpangutana nganong mahal ang presyo sa tobleron nga chocolate bar.

Gikuha sa suspek ang ilimnon og mga canister sa pahumot sulod sa iyang sling bag hinungdan gigukod kini siya sa gwardya gikan sulod sa convenience store hangtud sa gawas.

Nakahimo sa pag-warning shot ang gwardya na maoy hinungdan napugngan sa mga tawo anaa sa duol sa nahitaboan.

Nadiskubrehan usab nga may nag-atang nga kaubanan ang suspek nga nakasakay og motorsiklo gawas sa patigayon.

Dihang gidala sa presinto ang suspek girikisa kini siya sa mga pulis samtang anaa sakay sa patrol car og didto nakumpiska sa bulsa sa suspek ang gamayng pakete sa shabu.

Naghimas rehas na karon sulod sa selda ang suspek sa maong krimen.
For more info’s and updates, like and share our official facebook account : www.facebook.com/ifm91.9Gensanofficial/

[image: KAWATAN.jpg]

Facebook Comments