Davao City – Nakit-an sa CCTV ang usa ka kawatan nga nanguha og mga branded nga damit sulod sa usa ka mall ning dakbayan.
Midangop sa Talomo police station si Karla Ellain Escoton, 24 anyos, supervisor sa usa ka branded nga baligyaan human niya nakit-an sa CCTV nga gikawatan kini og mga items sa mga nagpaka aron ingnon nga customers.
Sa ilang pagpanubay ilang nasuta nga mikuha ang maong mga kawatan og 50 ka mga boxer shorts nga mukantidad og 16,000 pesos.
Nailhan ang duha ka mga babaying suspek nga sila si Ameilia Canonigo Maarat, 53 anyos nga taga-Deguzman St. Toril ug si Melly Putian Cenabre kinsa nalambigit usab sa kasong kawat ngadto sa syudad sa Tagum.
Kasamatangang gipangita na ang mga suspek samtang ang kaso gipasa una sa theft and robbery section sa Talomo PNP.
RadyoMaN Paul Canono
