Davao City-Naka agom ug mga samad ingun man bun-og sa kalawasan ang suspek nga mao si Junathan Fervy Canillo, 20 anyos nagpuyo sa San Miguel Matina ning syudad sa Davao human kulataha sa mga katawhan tungod kay nasakpan sa akto nga nangawat.
Sa Blotter sa Talomo PNP, misulod ang suspek sa panimalay ni Benjamin Francia nga taga-Dasnai Bago Aplaya alas Dos pasado sa kaadlawon.
Nakamatikod ang anak sa biktima nga nahanaw na ang bag sulod sa ilang panimalay rason nga dali silang migawas sa karsada ug ilang naaktohan ang suspek nga gipang ukay ang sulod sa bag nga kinawat.
Daling nakapanawag og tabang sa mga silingan ang amahan ug anak rason nga nakulatahan ang suspek sa mga nagpangusmong katawhan.
Sa dihang gikapkapan ang suspek na recover gikan sa iyang bulsa ang mga bala sa .357 ug .38 caliber.
Balhog ang suspek sa selda sa Talomo PNP samtang giandam na ang mga dokumento aron sa pagpasaka’g kaso sa dinakpan.
Kasamang Erin Lumosbog
