Via Edwin Caro Laruan
Wala ginpaporma sang Kaya FC Iloilo ang JPV marikina sang ginlutos ini sa score nia 4-2 kahapon nga adlaw sa padayon nga Philippines Football League nga ginhiwat sa Iloilo sports complex.
Una nga naka score ang Kaya FC paagi sa own goal sang JPV sa first minute sang hinampang.
Ginpangunahan ni Robert lopez Mendy ang Kaya FC Iloilo nga may hat-trick ukon tatlo ka mga goals sa 6th, 35th tag 71st minute sang hinampang. Ika duwa na ini Lopez-Mendy nga hat-trick sa home pitch.
Samtang para sa Marikina nakatigayon nga makascore is J Baguioro kag ang Japanese nga si Keigo Moriyaso.
Sa nahibalu-an nga tumandok sang Sta. Barbara Iloilo ang head coach sang JP voltes nga is Dan Padernal samtang tumandok man sang Barotac Nuevo Iloilo ang isa ka player sini nga si John Celiz.
Wala pa sang kalutusan ang Kaya FC Iloilo sa ila home games matapos nga nagsaylo ini sila halin sa Makati.
Madason nga atubangon sang Kaya FC-Iloilo ang Stallion Laguna FC sa Hulyo 4, 2018.
Photo via PFL
