Pagahiwaton buwas sa hapon (Marso 13) sa Panaad Stadium sa Siyudad sang Bacolod ang pinakauna nga home match sang KAYA-FC Iloilo sa 2019 AFC cup.
Magaumpisa alas 3 sa hapon ang sambuwa sa tunga sang KAYA-FC Iloilo kag Home United FC sang Singapore para sa Group H.
Ginpahayag ni Kaya head coach Noel Marcaida nga ginalauman nga mangin mabudlay para sa Kaya ang nasmabit nga sambuwa.
Subong man, iya ginpahayag nga preparado man ang team para sa sining pinakaimportante nga sambuwa.
Nahibaluan nga pareho nga may tag-isa ka daug ang Kaya FC Iloilo kag Home United Singapore kabangdanan importante nga magdaug diri ang Kaya-Fc.
Mangin espesyal man ang ini nga sambuwa para sa lima ka mga Kaya-FC players nga nagikan sa rehiyon 6 nga sanday Arnie Pasinabo, Jason Panhay, Janrick Soriano, Jalsor Soriano, kag Camelo Tacusalme.
