Matud ni KBP Davao City Chapter President Roy Geonson nga salaud ang nabuhat sa duha ka brodkaster sa usa ka FM Station, busa angay nilang atubangon ang kaso sa rason nga wala ma lakip sa trabaho isip Media ang ilang pagka-gun runner o pagbaligya og mga armas.
Segun ni Geonson, walay epekto sa kinatibuk-ang imahe sa hut-ong sa media sa rehiyon, ang pagkalambigit sa gun running sa duha ka media, sanglit wala man did-i sa balaod ang media nga magkupot og armas basta legal ug labaw nang supak sa ethical standard sa KBP, ang gisudlang ilegal nga transaksiyon sa naasoy nga mga personalidad.
Dili segurado ang KBP Davao City Chapter President kung sakop ba kini sa organisasyon ang maong mga brodkasters nga napalitan og armas sa mga awtoridad kagahapong adlawa.
Aminado kini nga dakong suliran gihapon sa KBP, ang mga mitumaw nga personalidad kansang naga-programa sa radyo, bisan og walay lisensya sa KBP.
Hinoon hapit na kining maundang kay gipadangat na sa KBP National sa NTC National, ang mga estasyon nga ilegal nga nag-operate sa rehiyon onse kansang mga brodkaster wala mikuha og lisensya gikan sa KBP.
RadyoMaN Joel Viray
