Sa interview sa DXDC RMN Davao kang KBP Davao Chapter Chairman Roy Geonzon atol sa Straight to the Point Morning Edition kauban si RadyoMan Misel Miral-Galve, iyang gibutyag nga pabor siya sa maong plano tungod pinaagi niini matutukan ang contents sa mga social media personalities.
Kini subay sa balita nga gipaabot ni Sen. Raffy Tulfo atol sa Senate Committee on Labor and Human Resources Development nga magmugna og regulatory body mga mao’y mag-monitor sa mga ginapagawas nga video sa mga vloggers.
Nakita kini nga inisyatibo sa senador tungod matud niya aduna’y mga responsableng vloggers nga nagasunod sa code of ethics apan aduna gihapo’y pipila nga mga irresponsible nga nagapagawas og law-ay nga mga videos ug storya sa social media nga wala’y kamatuoran ug ang uban makayatak na sa katungod ug kinabuhi sa ubang tawo.
Dugang pa ni Geonzon nga aduna’y freedom of expression nga gihatag sa konstitusyon apan kinahanglan paningkamutan nga gamiton kini sa maayo ug epektibong paagi.
RadyoMan Ivy Parido
