KBP nagpatigayon it seminar workshop sa Iloilo City

KALIBO, AKLAN — Nagpatigayon it tatlong adlaw nga seminar workshop rong Kapisanan ng mga Broadkaster ng Pilipinas (KBP) sa syudad it Iloilo.
Ro nasambit nga training hay may tigueo nga “KBP-UP CONTINUING EDUCATION FOR BROADCASTERS (CEB) MEDIA LAW AND ETHICS SEMINAR WORKSHOP” nga ginpatigayon umpisa Hunyo 22 hasta it 24 sa Iloilo Days Hotel.
Gin diskusyunan sa nasambit nga seminar workshop rong topic parte sa Libel, Elements of Libel, Privacy, The KBP Broadcast Code ag Intellectual Property.
Matapos rong nasambit nga seminar workshop hay may ginpatigayon man nga eksaminasyon.
Ro mga speakers hay sanday Professor Victor C. Avecilla, Professor Rose Feliciano ag Professor Jane O. Vinculado nga halin sa University of the Philippines (UP) Diliman, College of Mass Communication.
Ro nasambit nga seminar workshop hay gin atenderan it mga KBP accredited broadcasters halin sa Luzon, Visayas ag Mindanao kung sa siin tatlo kara ro halin sa probinsya it Aklan.

Facebook Comments