Hiniling ng National Bureau of Investigation (NBI) sa Department of Justice (DOJ) ang paglilipat kay Rolan “Kerwin” Espinosa sa Bureau of Jail Management and Penology (BJMP) sa Bicutan, Taguig City.
Ayon kay NBI OIC-Director Eric Distor, mas ligtas si Espinosa sa BJMP bilang testigo sa ilalim ng Witness Protection Program ng DOJ at akusado sa kasong drug trafficking.
Magugunita noong January 13, 2022, si Espinosa at dalawang iba pang detainees ay nagtangkang tumakas habang nasa kustodiya ng NBI, matapos na dumaan ang mga ito sa exhaust fan sa loob ng detention facility.
Sa ngayon, 79 na detainees na may iba’t ibang kasong kriminal ang nakakulong sa NBI Detention Center.
Facebook Comments
