Sa NBA – Gilantaw karon sa pamunoan sa New York Knicks nga mamahimo nilang tanyagan ug papirmahon ug kontrata alang sa posibleng pagbalhin ngadto sa ilang koponan ang star player sa Golden State Warriors nga si Kevin Durant.
Gikabutyag nga mamahimo ng free agent karong summer ang maong magduduwa ug gitinguha karon sa Knicks nga ila kining madani sa ilang koponan.
Matud pa ni Chris Haynes sa interview sa Fox Sports nga adunay tsansa ang New York Knicks nga matanyagan ang banggi-itang player. Kini tungod matud pa nga ang business partner ni-ini nga si Rich Kleiman nakabase sa New York ug numero unong fan sa Knicks ug ang ilang patigayon naka base usab sa New York. Samtang ang amahan ni KD usa usab ka dakong fan sa koponan sa Knicks. Ang tanyag nga nakuha ni Lebron sa Los Angeles Lakers, susama sa naandan gilauman nga mao usab ang pagbati ni KD sa tanyag ngadto kaniya kalabot sa Knicks.
Apan gitin-aw ni Haynes nga mamahimo usab nga ipa re-sign si KD sa Warriors team. Kahinumduman nga sa dihang naa pa sa Lebron sa Cavaliers wala kini nakauyon sa tagdumala ug wala kini ganahi sa mga kauaban sa team. Samtang sa pikas bahin, walay susama ni-ining problema si KD sa Golden State ug dili kini basta-basta na lamang madani sa mga tanyag gawas sa iyang koponan.
Unsa kaha ang pagahimoon ni Kevin Durant sa mosunod nga summer? Magpabilin ba kaha siya sa Golden State Warriors or makig alayon kini kang Lebron James sa Los Angels? Ang two-time Finals MVP wala pay konkretong tubag ni-ining mga pangutana karong panahona. Posible usab nga wala pa siya kabalo sa desisyon nga iyang pagabuhaton.
Aduna ka bay reaction kabahin ning maong estorya? Mamahimo nimong ipabuhagay sa comment box sa ubos.
Sources: YahooSports, NBC Sports
