Kevin Love, Dili Buhian

Bisan pa ugma na ang yearly nga rookie draft sa NBA, nagpabiling hilom ang Cleveland Cavaliers sa posibilidad nga ikambyo nila ang ilahang forward nga si Kevin Love.

Matud pa sa mga source sa liga, dili kuno buhian sa Cavaliers si Love bisan usa paman kuno ang mamahimong desisyon ni LeBron James.

Adunay player option si James nga mamahimong free agent karong off season ug daghan nagsulti nga biyaan napud niini ang Cleveland human mapidli sa Finals kontra Golden State Warriors.


Gipanguyaban karon si Lebron ug daghang team apil na niini ang Los Angeles Lakers, Houston Rockets, Philadelphia 76ers ug uban pa.

Tungod niini, gusto sa Cavaliers nga magpabilin si Love sa team.

Facebook Comments