Davao City – Mamahimong na nga maagian sa sakyanan ug sa mga residente ang dalan nga naigo sa landslide sa Purok 2, Barangay Kimlawis, Kiblawan, Davao del Sur pasado alas-6 niadtong miaging gabii (September 27, 2021).
Sa interbyu sa DXDC RMN Davao kang Mark Bryan Alsado, Brgy. Official sa Kimlawis, gisaysay niini nga alas-3 pa lang sa hapon sa dihang nagsugod ang ulan hinungdan nga nagbaton og landslide ug pagkatumba sa mga saging.
Gipasalamat usab sa sa opisyal nga walay natalang injured o kaha casualty sa insidente, diin gilayong giaksyonan sa usa ka construction company pinaagi sa backhoe ug gitanggal ang mga nakababag sa dalan ug karon kini ‘passable’ na sa mga sakyanan.
“Naa may company diri nga Jejor’s Company Construction Supply. So, sila ang nag-rescue kay ongoing man ang ilahang construction sa dalan, so gipa-rescue namo ganihang buntag, bandang alas-6. So, karon maagian na gyud ang area,” saysay ni Alsado.
Nasayran nga anaa sa usa (1) ka 4-wheel vehicle ug anaa sa 6 ka motorsiklo ang na-stranded tungod sa pagdahili sa yuta sa maong lugar.
Padayon karon ang pahimangno sa Office of the Civil Defense (OCD)-XI sa katawhan nga kanunay nga mag-igmat sa dagan sa panahon ug maminaw sa mando sa otoridad panahon sa kalamidad.
RadyoMaN Kirby Manzon
