Davao City- Gipahigayon ang usa ka Kick-off Ceremony sa Davao Oriental Police Provincial Office subay sa Drug Abuse Prevention and Control Week.
Ang maong aktibidad gisugdan bandang alas 4:30 sa kahapunon pinaagi sa mubo nga programa diin asa dunay torch lighting ug gisundan kini sa fun run activity.
Sumala pa nga ang tumong niini mao nga malayo sa dautang bisyo ang mga nalambigit ug mabaling sa mga paugnat sa kusog.
Gipangunahan ang maong seremonya nila ni Provincial Director Police Senior Supt. Harry Espela ug ni Acting Provincial Director for Administration Police Supt. Ferlito Jose Mejia ug ang Police Community Relation Personnel.
Gitambungan usab kini sa pipila ka Municipal Police Units, mga sibilyan ug pipila ka mga invited guests.
RadyoMaN Paul Canono
