Proud na ipinakita nina Gretchen Barretto at mag-asawang Ogie Alcasid at Regine Velasquez ang pagpapabakuna nila ng COVID-19 vaccine kamakailan.
Ipinost sa Facebook page nina Ogie at Regine ang litrato nila matapos maturukan ng bakuna.
Habang isang video naman ang ipinost ni Gretchen kung saan makikita na actual na binabakunahan siya.
Kasabay ng paghihikayat na magpabakuna, ipinaliwanag ng mga ito kung bakit mahalaga ang pagpapabakuna lalo na sa katulad nilang may comorbidity.
Sina Ogie, Regine at Gretchen ay ilan lamang sa mga local celebrity na naturukan na ng COVID-19 vaccine kung saan ang kauna-unahang local actor na nabakunahan ay ang kontrobersyal na si Mark Anthony Fernandez.
Facebook Comments
